عاشق الحياه
اهلا بك زائرنا الكريم تحيه طيبه لو عجبك المنتدى سجل وكن معنا

عاشق الحياه

منتدى مجانى تجريبى
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
https://www.facebook.com/aldeenelkayem

شاطر | 
 

 حماية الكمبيوتر من الهاكرز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
yossria

avatar

عدد المساهمات : 32 تاريخ التسجيل : 24/04/2011

مُساهمةموضوع: حماية الكمبيوتر من الهاكرز   الأربعاء يوليو 20, 2011 8:37 pm

الموضوع عن ..
<<<<< ازاى تقفل البورتات المفتوحه فى الويندوز بتاعك >>>>>>>>
البورتات دى اللى هيا سكه دخول الهاكرز لجهازك .
اى نسخه ويندوز لاتخلو من بورتات مفتوحه لان البرامج اللى اساسا اى منا بيسخدمها فى التصفح والشات و.. و... الخ بتفتح بورتات فى جهازك لتخدم نفسها فى التصفح للنت
ولكن البورتات بتاعها بتكون الى حد ما أمنه.
اللى هنتكلم عليه دلوقتى هيا البورتات اللى بتبقى مفتوحه بحرى فى جهازك وممكن تعرض جهازك بسهوله للولوج له من قٍبل الهاكرز
طيب أزاى نقفل البورتات اللى ملهاش لزمه دى؟؟؟!

** ملحوظه صغيره قبل ما نبدأ فى الشرح **

واحد يقولى انته بقالك ساعه عمال تقول بورتات .. بورتات
خنقتنا O.o!!
واحنا اصلا مش فاهمين يعنى ايه بورتات بتاعك دى !!
بص يا معلم ..
البورتات دى هي شويه منافذ فى الويندوز ومكونه من ارقام ومن خلالها بيتم اتصال البرامج للأنترنت لربط البيانات القادمه من الانترنت لعرضها على متصفح الانترنت.
يعنى من الاخر ... كانها فتحات بيجيلك منها البيانات اللى بتتعرض ع المتصفح بتاعك.!
حلو كده !!!

طيب..
نقول نقطه تانيه!
فى عملية اسمها scanning port
ودى تعتبر عملية تجسس ومن خلالها يقدر الهاكرز انه يوصل الي الكمبيوتر اللى عاوز يدخل له.

يعنى ببساطه الهاكرز بيعمل موضوع البحث عن البورتات ده علشان
يتصل بأجهزه الضحيه عن طريق البورتات المفتوحين فى جهازه.
موال عريض وطويل بلاش نتطرق زياده عن اللزوم فيه .

المهم انا قولت نبذه عن الكلام اللى داير فى الموضوع....
ندخل بقى للطرق اللى هنقفل بيها البورتات دى


الامــــــــــــــر هيكون ع النحو التالى ::
======================
المرحله الاولى ::
_______________
هتنزل البرامج دى
mediafire.com ?iobmffv5k46yq7n
وتعمل كما الصور المدرجه بالملف اللى هتنزله بالظبط
يعنى تقفل البورتات المفتوحه فى الجهاز بالبرامج دى
وياريت الله يكرمكم مفيش حد يقولى مش فاهم حاجه من الصور ياريت تقولى اعمل ايه !!

الصور بتوضح كل حاجه بالتفصيل ومش محتاجه عبقريه فى الاداء والله !!


________________________________________________
________________________________________________

المرحله الثانيه ::
_______________
هنقفل بورتات تانيه بتبقى مفتوحه وهنقفلها عن طريق الدوس

أمشى معايا ع الخطوات دى
من قائمه ستارت أضغط رن واكتب الامر ده
CMD
هيطلعلك شاشه دوس سمراء
أكتب فيها الاتى
بالنص ويفضل انك تاخدهم من هنا كوبى و تضعهم هناك بست

sc config seclogon start= auto
ثم انتر
sc config TlntSvr start= auto
ثم انتر
sc config ssdpsrv start= auto
ثم انتر
sc config messenger start= auto
ثم انتر
sc config policyagent start= auto
ثم انتر
sc config w32time start= auto
ثم انتر
sc config schedule start= auto
ثم انتر
sc config LmHosts start= auto
ثم انتر
net stop rdr
ثم انتر
net stop srv
ثم أنتر
أكتب Exit
وأعمل ريستارت للجهاز وبكده ان شاء الله البورتات اللى فى جهازك تكون اتقفلت

________________________________________________
________________________________________________


المرحله الثالثه ::
_______________

الخصوصيه على الجهاز وتصفح الانترنت
عند فتحك للملفات او تشغيلك لأي مقطع فيديو او صوت او حتى تصفحك للإنترنت
تترك آثار لجميع ما عملته على جهازك.
وباستطاعة أي مستخدم آخر معرفة ماقمت به
وجميع تلك المعلومات تخزن في الـ
history للويندوز ..
وللمحافظه على خصوصيتنا يجب حذف الـ
history بعد الانتهاء من استخدام الجهاز
واحيانا عند تصفح الانترنت .. تنزل ملفات خطيره كاالفيروسات وبرامج التجسس والترجانز
في ملفات الانترنت المؤقته. ودى بتبهدل الواحد بعدين.
علشان كده ادرجت برنامج لمسح جميع اثارك وتنظيف جهازك من الملفات المؤقته دى
CyberScrub Privacy Suite
لينك تنزيله
mediafire.com ?7mxpoxvqn0y#1
يدوبك نزله وشغل وهو هيقوم بالواجب لوحده واتوماتك
واعمل حسابك ان الجهاز بيرستر أتوماتك بعد ما بيخلص التنضيف بتاعه


________________________________________________
________________________________________________


احنا كده قفلنا أكبر قدر من البورتات المفتوحه فى الويندوز وعملناله تنضيف.
بس فى بورتات تانيه بتبقى مفتوحه وتقريبا لو اتقفلت بتسبب عطل فى تشغيل برامج
يعنى محدش يقولى ايه رأيك فى الموضوع الفلانى ده او انا شفت الموضوع العلانى ولقيت ان ممكن الاقى بورتات مفتوحه فى جهازى كمان!!
انا بقولك ان جهازك مليان بورتات مفتوحه بس فتحها بيكون ضروري فى الجهاز
اللى قفلناهم دول ... الى حد ما زى قلتهم بالجهاز!
وكمان مقفلناهمش .. احنا عملناهم على وضعيه اتوماتك
يعنى وقت الحاجه .. يفتح
الحاجه خلصت .. يقفل
توماتيكى توماتيكى Very Happy Very Happy

ونصيحه ...
نزل برنامج سيكيورتى كويس واحنا ذكرنا الكثير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة براءة

avatar

عدد المساهمات : 326 تاريخ التسجيل : 22/04/2011

مُساهمةموضوع: رد: حماية الكمبيوتر من الهاكرز   الخميس نوفمبر 10, 2011 12:00 am

Very Happy الله عليكي sunny تسلم ايديكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حماية الكمبيوتر من الهاكرز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاشق الحياه :: كمبيوتر وانترنت-
انتقل الى: